Prighiera a Santa Maria Matalena

Santa Maria Matalena prighéti pè’ nó
I nosci fiddhóli hannu perzu u travaddhu
Dópu tant’anni a miseria dinó
A sfurtuna è vinut’a cavaddhu.

Tanti famiddhi cummi faran’ a campà
E a criscì quiddhi curci zitéddhi
A terra più nisciunu la sa lavurà
Nè mugnì e impinà di latti i tinéddhi.

Senza dinari nuddha si pó accattà
Nè mandà a scóla i fiddhóli
Manc’ u pani e antru da magnà
U malu distinu pòari ci vóli.

Ma a sorti d’ ugnunu di nó
Da i nosci guernanti è signata
Arrùbbini i dinari du populu e pó
Si sciàlini bè cu a stacca impinata.

Nun g’hannu pè’ a vita nisciun rispettu
A quattru ganasci sò sèmpri magnendi
A jènti préga picchendis’au pettu
Ghi sò tanti di córi pignendi.

Ligghjèmu spissu supra au giurnali
Chi unu ha tintatu d’ammazzassi
D’un antru hannu fattu u funarali
Sò senza travaddhu o affugati da i tassi.

A quà puntu semu arrivati
In quistu mondu tutt’au riusu
Ci lévini i palanchi tribbulati
Fèndi ugni jòrnu tamant’abusu.

Innanzi cusì nun si pó andà
U guèrnu sin’infutti, troppu è arrischendi
A jènti nun sa u capu undi sbattulà
Tempu di rivuluzioni ch’è arrivendi.

A guerra tra i pòari fratéddhi
Di sta luntanu prighéssini i mammi
Sentré cunnosciarìini i nosci zitéddhi
U sangui innucenti spartu pè’ a fammi.

Maria Matalena noscia patrona
C’hai cunisciutu u Signori Gisù
In ugni casa ghi sia notizia bona
E u bisestu nun si vidissi mai più.

Francesco Nicolò Pusole